शहीद दशरथ चन्द स्वास्थ्य विज्ञान विश्वविद्यालयमा सिनेट सदस्यमा ६ जना मनोनित, पदाधिकारी नियुक्तीको लागि सिफारीस समिति गठन

काठमाडौं । शहीद दशरथ चन्द स्वास्थ्य विज्ञान विश्वविद्यालय सञ्चालन प्रक्रियालाई तीव्रता दिँदै विश्वविद्यालयका विभिन्न सिनेट सदस्यहरू मनोनित गरिएको छ ।

शिक्षामन्त्री सस्मित पोखरेलको अध्यक्षतमा आज बसको विश्वविद्यालय सभा (सिनेट) बैठकले उपकुलपति र रजिष्ट्रार नियुक्तिका लागि सिफारिस समिति गठन गरेको हो ।

विश्वविद्यालय ऐनअनुसार विभिन्न समिति तथा सिनेट सदस्यहरूको ६ जना मनोनयन गरीएका छन् । ऐनको दफा ७ को उपदफा २ (ठ) बमोजिम६ जना सदस्यहरू मनोनित भएका छन् ।

जसमा प्रा.डा. जयराज अवस्थी, डम्बर पाल, हेमा भट्ट, प्रा.डा. संगीता राजभण्डारी, डा. लवदेव अवस्थी र धर्मदेव भट्टलाई मनोनित गरेको हो ।

यो सँगै बिश्वबिद्यिालय ऐन बमोजिम ३ सदस्यीय पदाधिकारी सिफारीस समिति पनि गठन भएको छ । जसमा प्रा. डा.जयराज अवस्थी (सभाबाट मनोनित), प्रा. डा.लोचना श्रेष्ठ, दिनेश लम्साल रहेका छन् ।