चिकित्सक संघ निर्वाचन : उच्च अदालतको फैसलापछि निर्वाचन प्रक्रिया सुचारु हुने
काठमाडौं । नेपाल चिकित्सक संघको नयाँ कार्यसमिति चयनका लागि रोकिएको निर्वाचन प्रक्रिया सुचारु हुने भएको छ।
आफ्नो उम्मेदवारी कायम गरिनुपर्ने माग गर्दै चिकित्सकहरू डाअजयकुमार मिश्र र डा. विनोदकुमार महासेठ लगायतले दायर गरेको रिटमा उच्च अदालत पाटनले पक्षमा फैसला गरेसँगै निर्वाचनको बाटो खुलेको हो ।
उच्च अदालत पाटनका न्यायाधीशद्वय डालकुमार खड्का र रमेशप्रसाद ज्ञवालीको संयुक्त इजलासले उक्त रिट जारी हुने फैसला सुनाएको हो। यो फैसालसँगै चिकित्सक संघको निर्वाचन प्रक्रिया अगाडि बढ्ने बाटो खुला भएको छ ।
यसअघि निर्वाचन समितिले उम्मेदवारीका सम्बन्धमा गरेको निर्णयविरुद्ध गत ९ पुसमा अदालतमा रिट दायर गरिएको थियो ।
अदालती प्रक्रियाका कारण केही समयदेखि ठप्प रहेको निर्वाचन कार्यक्रम अब द्रुत गतिमा अघि बढ्ने देखिएको छ । केही दिनअघि सम्पन्न चिकित्सकहरूको सर्वपक्षीय भेलाले अदालतको फैसला आएको खण्डमा चैतभित्रै निर्वाचन सम्पन्न गर्ने अनौपचारिक सहमति गरेको थियो ।
सहमति अनुसार उपत्यकाबाहिर आगामी २१ र २२ चैतमा तथा काठमाडौँ उपत्यकामा २८, २९ र ३० चैतमा निर्वाचन गर्ने योजना बनाइएको छ। अदालतको आजको फैसलापछि निर्वाचन समितिले एक–दुई दिनभित्रै औपचारिक सूचना जारी गरी निर्वाचनको मिति तय गर्ने बुझिएको छ।
यो फैसलासँगै चिकित्सक संघको नेतृत्व चयनका लागि देखिएको लामो समयको अन्योल अन्त्य भएको छ।
ताजा अपडेट
- एन्टिमाइक्रोबियल रेसिस्टेन्स नियन्त्रणका लागि सबै क्षेत्रबीच सहकार्य आवश्यक : मन्त्री मेहता
- स्वास्थ्य प्रवर्द्धनलाई राष्ट्रिय स्वास्थ्य प्रणालीको प्राथमिकतामा राख्नुपर्नेमा मन्त्री मेहताको जोड
- चिकित्सा शिक्षा आयोगद्वारा एमबीबीएस प्रवेश परीक्षाको नतिजा प्रकाशन
- स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
- शिक्षा–स्वास्थ्य मन्त्रालयको क्षेत्राधिकार अन्योलमा गेटा विश्वविद्यालय, अस्पताल हस्तान्तरणदेखि पदाधिकारी नियुक्तिसम्म अल्झियो
- जलवायु परिवर्तनका चुनौती सामना गर्न स्वास्थ्यलाई जलवायु कार्ययोजनाको केन्द्रमा राख्नुपर्नेमा स्वास्थ्यमन्त्री मेहताको जोड
- जलवायु परिवर्तनका मुद्दामा स्वास्थ्यलाई केन्द्रमा राख्न मन्त्री मेहताको जोड
- नेपालमा पहिलोपटक राष्ट्रिय स्वास्थ्य प्रवर्द्धन सम्मेलन हुँदै
धेरैले पढेको
- मुख्यमन्त्रीकै संरक्षणमा अछाम अस्पतालमा ‘ब्रमलुट’, ७० लाखको नगद र औषधी गायव, डकैती लुकाउन ‘प्रशासनिक कू’ !
- सुदूरपश्चिम प्रदेशमा अस्पताल नर्सिङ प्रशासकको रिक्त दरबन्दी पदपूर्ति
- सुदूरपश्चिममा पहिलो पटक आईभिएफ सेवा सुरु
- सुदूरपश्चिम प्रदेशः जनस्वास्थ्य प्रशासकका रिक्त रहेका सबै दरबन्दी पदपूर्ति
- शहीद दशरथचन्द स्वास्थ्य विज्ञान विश्वबिद्यालयले माग्यो २६ प्राध्यापक र ५१ उप–प्राध्यापक
- स्वास्थ्य बिमा : डिजीटल सूचना सेवा सुरु
- धनगढीमा १ सय शय्याको केयरटेकर हस्पिटल सञ्चालन
- वरिष्ठ मुटुरोग विशेषज्ञ डा. विप्लव : सुदूरपश्चिमका ‘मुटु’को ढुकढुकी !


तपाईको प्रतिक्रिया