स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
धनगढी । स्वास्थ्य क्षेत्रमा देखिएका विविध समस्या समाधान गर्दै सबै नागरिकलाई सहज र गुणस्तरीय स्वास्थ्य सेवा पुर्याउनु आवश्यक रहेको सुदूरपश्चिम प्रदेशका मुख्यमन्त्री खगराज भट्टले बताएका छन्।
उद्योग वाणिज्य संघ अत्तरियाद्वारा आयोजित स्वास्थ्य युवा महोत्सवलाई प्रमुख अतिथिका रूपमा सम्बोधन गर्दै मुख्यमन्त्री भट्टले स्वास्थ्य क्षेत्रमा बढ्दै गएका चुनौती समाधान गर्न जनचेतना अभिवृद्धि गर्ने कार्यक्रम आवश्यक रहेको बताए।
उनले पछिल्लो समय सरुवा रोगभन्दा नसर्ने रोगको जोखिम बढ्दै गएको, मानसिक तनाव, डिप्रेसन तथा आत्महत्याका घटना गम्भीर सामाजिक तथा जनस्वास्थ्य समस्याका रूपमा देखिएको उल्लेख गरे। यस्ता समस्याको रोकथाम तथा न्यूनीकरणका लागि स्वास्थ्य युवा महोत्सवजस्ता कार्यक्रम प्रभावकारी माध्यम बन्न सक्ने उनको भनाइ थियो।
स्वास्थ्य क्षेत्रको सुधार, रोगको रोकथाम तथा जनस्वास्थ्यसँग सम्बन्धित गतिविधिमा प्रदेश सरकार सहकार्य र सहयोग गर्न सधैँ तत्पर रहेको उनले बताए।
सुदूरपश्चिमको भौगोलिक विकटता र विशेषगरी पहाडी क्षेत्रमा स्वास्थ्य सेवाको पहुँचमा देखिएका समस्यालाई ध्यानमा राख्दै बैतडीको खोड्पे र डोटीको बुडरमा मिनी ट्रमा सेन्टर स्थापना गर्ने निर्णय गरिएको मुख्यमन्त्री भट्टले जानकारी दिए।
त्यसैगरी, प्रदेश सरकारले स्वास्थ्य सेवालाई प्राथमिकतामा राख्दै दार्चुलाको गोकुलेश्वर र बाजुराको कोल्टीमा प्रादेशिक अस्पताल निर्माणको प्रक्रिया अघि बढाएको उनले बताए।
मुख्यमन्त्री भट्टले सहिद दशरथ चन्द स्वास्थ्य विज्ञान विश्वविद्यालय यस क्षेत्रका नागरिकको चाहना, निरन्तर संघर्ष र लामो प्रयासको प्रतिफल भएको उल्लेख गर्दै विश्वविद्यालयमा एमबीबीएस अध्ययन सुरु हुने अवस्थामा कुनै पनि बहानामा पठनपाठन रोकिन नहुनेमा जोड दिए।
संघीय सरकार र डा. गोविन्द केसीबीच भइरहेको सम्झौताका कारण एमबीबीएस अध्ययन प्रभावित हुन सक्ने आशंका व्यक्त गर्दै उनले विश्वविद्यालयको शैक्षिक कार्यक्रम निर्वाध रूपमा सञ्चालन हुनुपर्ने धारणा राखे।
ताजा अपडेट
- चिकित्सा शिक्षा आयोगद्वारा एमबीबीएस प्रवेश परीक्षाको नतिजा प्रकाशन
- स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
- शिक्षा–स्वास्थ्य मन्त्रालयको क्षेत्राधिकार अन्योलमा गेटा विश्वविद्यालय, अस्पताल हस्तान्तरणदेखि पदाधिकारी नियुक्तिसम्म अल्झियो
- जलवायु परिवर्तनका चुनौती सामना गर्न स्वास्थ्यलाई जलवायु कार्ययोजनाको केन्द्रमा राख्नुपर्नेमा स्वास्थ्यमन्त्री मेहताको जोड
- जलवायु परिवर्तनका मुद्दामा स्वास्थ्यलाई केन्द्रमा राख्न मन्त्री मेहताको जोड
- नेपालमा पहिलोपटक राष्ट्रिय स्वास्थ्य प्रवर्द्धन सम्मेलन हुँदै
- कोप–३१ मा जलवायु परिवर्तन र स्वास्थ्यसम्बन्धी उच्चस्तरीय छलफलको अध्यक्षता गर्दै मन्त्री मेहता
- डा. गोविन्द केसी र सरकारबीच ६ बुँदे सहमति, २५औँ सत्याग्रह अन्त्य
धेरैले पढेको
- मुख्यमन्त्रीकै संरक्षणमा अछाम अस्पतालमा ‘ब्रमलुट’, ७० लाखको नगद र औषधी गायव, डकैती लुकाउन ‘प्रशासनिक कू’ !
- सुदूरपश्चिम प्रदेशमा अस्पताल नर्सिङ प्रशासकको रिक्त दरबन्दी पदपूर्ति
- सुदूरपश्चिममा पहिलो पटक आईभिएफ सेवा सुरु
- सुदूरपश्चिम प्रदेशः जनस्वास्थ्य प्रशासकका रिक्त रहेका सबै दरबन्दी पदपूर्ति
- शहीद दशरथचन्द स्वास्थ्य विज्ञान विश्वबिद्यालयले माग्यो २६ प्राध्यापक र ५१ उप–प्राध्यापक
- स्वास्थ्य बिमा : डिजीटल सूचना सेवा सुरु
- धनगढीमा १ सय शय्याको केयरटेकर हस्पिटल सञ्चालन
- वरिष्ठ मुटुरोग विशेषज्ञ डा. विप्लव : सुदूरपश्चिमका ‘मुटु’को ढुकढुकी !


तपाईको प्रतिक्रिया