अछाम जिल्ला अस्पतालमा लाखौँ हिनामिना, मन्त्रालयले थाल्यो छानबिन
धनगढी । अछाम जिल्ला अस्पतालमा कार्यरत कर्मचारीहरूको एउटा समूहले ‘सेटिङ’ मिलाएर अस्पतालको औषधि, उपकरण र नगद राजस्वमा लाखौँ रुपैयाँ हिनामिना गरेको तथ्य बाहिर आएपछि सामाजिक विकास मन्त्रालयले छानबिन सुरु गरेको छ।
कर्मचारीहरूकै मिलेमतोमा अस्पतालमा लुटतन्त्र मच्चिएको भन्दै समाचार प्रकाशित भए पछि खोजीनीति सुरु भएको हो। मन्त्रालयमा छानबिनको मागसहित यसअघि उजुरी समेत परेको थियो।
मन्त्रालयका सचिव डा. हेमराज रेग्मीले सुशासन कायम गर्ने मामिलामा कुनै सम्झौता नहुने र दोषीलाई कानुनी दायरामा ल्याइने प्रतिबद्धता जनाएका छन्।
सचिव डा. रेग्मीले स्वास्थ्य निर्देशनालय, डोटीलाई पत्राचार गर्दै १५ दिनभित्र घटनाको यथार्थ छानबिन गरी प्रतिवेदन बुझाउन निर्देशन दिएको पुष्टि गरे ।
“अछाम अस्पतालको विषयमा प्राप्त निवेदनका आधारमा हामीले मन्त्रालयमा गम्भीर छलफल गरेका छौँ। स्वास्थ्य निर्देशनालयलाई १५ दिनभित्र यथार्थ प्रतिवेदन बुझाउन पत्रमार्फत निर्देशन दिइसकेका छौँ। सुशासन कायम गर्ने मामिलामा कुनै कसर बाँकी नराखी हामी काम गर्छौँ,’ सचिव डा. रेग्मीले भने ।
मन्त्रालयमा परेको उजुरी अनुसार अस्पतालको नगद काउन्टर , फार्मेसी र स्टोरमा कार्यरत कर्मचारीहरूको प्रत्यक्ष संलग्नतामा लामो समयदेखि अनियमितता भइरहेको छ।
मन्त्रालयले पत्रमार्फत स्वास्थ्य निर्देशनालयलाई छानबिनको पूर्ण जिम्मेवारी सुम्पेको छ। पत्रमा सम्बन्धित पक्षहरूबाट आवश्यक कागजात र जानकारी संकलन गरी यथार्थ विवरणसहितको प्रतिवेदन पेश गर्न भनिएको छ।
ताजा अपडेट
- एन्टिमाइक्रोबियल रेसिस्टेन्स नियन्त्रणका लागि सबै क्षेत्रबीच सहकार्य आवश्यक : मन्त्री मेहता
- स्वास्थ्य प्रवर्द्धनलाई राष्ट्रिय स्वास्थ्य प्रणालीको प्राथमिकतामा राख्नुपर्नेमा मन्त्री मेहताको जोड
- चिकित्सा शिक्षा आयोगद्वारा एमबीबीएस प्रवेश परीक्षाको नतिजा प्रकाशन
- स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
- शिक्षा–स्वास्थ्य मन्त्रालयको क्षेत्राधिकार अन्योलमा गेटा विश्वविद्यालय, अस्पताल हस्तान्तरणदेखि पदाधिकारी नियुक्तिसम्म अल्झियो
- जलवायु परिवर्तनका चुनौती सामना गर्न स्वास्थ्यलाई जलवायु कार्ययोजनाको केन्द्रमा राख्नुपर्नेमा स्वास्थ्यमन्त्री मेहताको जोड
- जलवायु परिवर्तनका मुद्दामा स्वास्थ्यलाई केन्द्रमा राख्न मन्त्री मेहताको जोड
- नेपालमा पहिलोपटक राष्ट्रिय स्वास्थ्य प्रवर्द्धन सम्मेलन हुँदै
धेरैले पढेको
- मुख्यमन्त्रीकै संरक्षणमा अछाम अस्पतालमा ‘ब्रमलुट’, ७० लाखको नगद र औषधी गायव, डकैती लुकाउन ‘प्रशासनिक कू’ !
- सुदूरपश्चिम प्रदेशमा अस्पताल नर्सिङ प्रशासकको रिक्त दरबन्दी पदपूर्ति
- सुदूरपश्चिममा पहिलो पटक आईभिएफ सेवा सुरु
- सुदूरपश्चिम प्रदेशः जनस्वास्थ्य प्रशासकका रिक्त रहेका सबै दरबन्दी पदपूर्ति
- शहीद दशरथचन्द स्वास्थ्य विज्ञान विश्वबिद्यालयले माग्यो २६ प्राध्यापक र ५१ उप–प्राध्यापक
- स्वास्थ्य बिमा : डिजीटल सूचना सेवा सुरु
- धनगढीमा १ सय शय्याको केयरटेकर हस्पिटल सञ्चालन
- वरिष्ठ मुटुरोग विशेषज्ञ डा. विप्लव : सुदूरपश्चिमका ‘मुटु’को ढुकढुकी !


तपाईको प्रतिक्रिया