शहीद दशरथ चन्द स्वास्थ्य विज्ञान विश्वविद्यालय : शिक्षण अस्पतालमा थपिए २९ विशेषज्ञ चिकित्सक
कैलाली । सुदूरपश्चिमको स्वास्थ्य तथा चिकित्सा शिक्षा विकासको महत्वपूर्ण आधारका रूपमा अघि बढाइएको शहीद दशरथ चन्द स्वास्थ्य विज्ञान विश्वविद्यालय काे शिक्षण अस्पतालमा विशेषज्ञ चिकित्सकको संख्या थपिएको छ। शहीद दशरथ चन्द स्वास्थ्य विज्ञान विश्वविद्यालयले शैक्षिक कार्यक्रम सञ्चालनका लागि विभिन्न विभागमा विशेषज्ञ चिकित्सक नियुक्त गरेपछि अस्पतालमा विशेषज्ञ सेवा विस्तार भएको हो।
विश्वविद्यालयका अनुसार अस्पतालमा विभिन्न बिभागमा गरी २९ जना विशेषज्ञ चिकित्सक थपिएका छन्। नयाँ जनशक्ति थपिएसँगै गेटा अस्पतालबाट विभिन्न विशेषज्ञ सेवा नियमित रूपमा प्रदान गर्न थालिएको विश्वविद्यालयले जनाएको छ।
अस्पतालमा एनेस्थेसिया, डेन्टल सर्जरी, छाला तथा यौनरोग, नाक–कान–घाँटी (ईएनटी), जनरल मेडिसिन, जनरल सर्जरी, इन्टरनल मेडिसिन, स्त्री तथा प्रसूति, नेत्ररोग, हाडजोर्नी, बालरोग, मानसिक रोग तथा रेडियोलोजी लगायतका क्षेत्रमा विशेषज्ञ चिकित्सक थपिएका छन्।
विश्वविद्यालयले शैक्षिक कार्यक्रम सञ्चालनका लागि आवश्यक विभाग र विशेषज्ञ जनशक्ति व्यवस्थापनलाई प्राथमिकता दिइरहेको जनाएको छ। विशेषज्ञ चिकित्सकको उपलब्धताले अस्पतालमा उपचार सेवा विस्तार हुनुका साथै आगामी दिनमा चिकित्सा शिक्षा सञ्चालनका लागि आवश्यक शैक्षिक तथा क्लिनिकल वातावरण निर्माणमा समेत सहयोग पुग्ने अपेक्षा गरिएको छ।
ताजा अपडेट
- स्वास्थ्य प्रवर्द्धनलाई राष्ट्रिय स्वास्थ्य प्रणालीको प्राथमिकतामा राख्नुपर्नेमा मन्त्री मेहताको जोड
- चिकित्सा शिक्षा आयोगद्वारा एमबीबीएस प्रवेश परीक्षाको नतिजा प्रकाशन
- स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
- शिक्षा–स्वास्थ्य मन्त्रालयको क्षेत्राधिकार अन्योलमा गेटा विश्वविद्यालय, अस्पताल हस्तान्तरणदेखि पदाधिकारी नियुक्तिसम्म अल्झियो
- जलवायु परिवर्तनका चुनौती सामना गर्न स्वास्थ्यलाई जलवायु कार्ययोजनाको केन्द्रमा राख्नुपर्नेमा स्वास्थ्यमन्त्री मेहताको जोड
- जलवायु परिवर्तनका मुद्दामा स्वास्थ्यलाई केन्द्रमा राख्न मन्त्री मेहताको जोड
- नेपालमा पहिलोपटक राष्ट्रिय स्वास्थ्य प्रवर्द्धन सम्मेलन हुँदै
- कोप–३१ मा जलवायु परिवर्तन र स्वास्थ्यसम्बन्धी उच्चस्तरीय छलफलको अध्यक्षता गर्दै मन्त्री मेहता
धेरैले पढेको
- मुख्यमन्त्रीकै संरक्षणमा अछाम अस्पतालमा ‘ब्रमलुट’, ७० लाखको नगद र औषधी गायव, डकैती लुकाउन ‘प्रशासनिक कू’ !
- सुदूरपश्चिम प्रदेशमा अस्पताल नर्सिङ प्रशासकको रिक्त दरबन्दी पदपूर्ति
- सुदूरपश्चिममा पहिलो पटक आईभिएफ सेवा सुरु
- सुदूरपश्चिम प्रदेशः जनस्वास्थ्य प्रशासकका रिक्त रहेका सबै दरबन्दी पदपूर्ति
- शहीद दशरथचन्द स्वास्थ्य विज्ञान विश्वबिद्यालयले माग्यो २६ प्राध्यापक र ५१ उप–प्राध्यापक
- स्वास्थ्य बिमा : डिजीटल सूचना सेवा सुरु
- धनगढीमा १ सय शय्याको केयरटेकर हस्पिटल सञ्चालन
- वरिष्ठ मुटुरोग विशेषज्ञ डा. विप्लव : सुदूरपश्चिमका ‘मुटु’को ढुकढुकी !


तपाईको प्रतिक्रिया