स्वास्थ्य बिमा : अस्पताललाई दुई अर्ब भुक्तानी
काठमाडौँ। स्वास्थ्य बिमा बोर्डले देशभरका विभिन्न अस्पताल तथा स्वास्थ्य संस्थालाई दुई अर्ब रुपियाँ भुक्तानी गरेको छ । अर्थ मन्त्रालयले रकम निकासा गरेपछि बोर्डले देशभरका ३६४ स्वास्थ्य संस्थालाई रकम भुक्तानी गरेको हो ।
बोर्डकी कार्यकारी निर्देशक शकुन्तला प्रजापतिले ३६४ स्वास्थ्य संस्थालाई दुई अर्ब रुपियाँ भुक्तानी गरिएको जानकारी दिए । प्राप्त बजेटलाई पारदर्शी, न्यायोचित तथा समानुपातिक ढङ्गले वितरण गरिएको प्रजापतिले जानकारी दिए ।
अर्थ मन्त्रालयबाट प्राप्त रकमलाई प्राथमिकताका आधारमा देशभरका स्वास्थ्य संस्थामा वितरण गरिएको जानकारी दिए । उनले स्वास्थ्यसेवा प्रवाहमा देखिएको आर्थिक दबाब केही हदसम्म कम हुने विश्वाससमेत व्यक्त गरे ।
स्वास्थ्य बिमा कार्यक्रमलाई थप प्रभावकारी र दिगो बनाउन बाँकी दाबी रकम व्यवस्थापनका लागि पनि सम्बन्धित निकायसँग समन्वय भइरहेको उहाँको भनाइ छ । कार्यक्रम अन्तर्गत सेवा प्रदान गरेका सरकारी, सामुदायिक तथा निजी अस्पतालले लामो समयदेखि दाबी रकम भुक्तानी हुन नसक्दा आर्थिक समस्या झेल्दै आएका थिए । कतिपय स्वास्थ्य संस्थाले भुक्तानी नपाए बिमा बन्द गर्न सक्ने चेतावनीसमेत दिएका थिए ।
निजी मेडिकल कलेजको छाता सङ्गठन एसोसिएसन अफ प्राइभेट मेडिकल एन्ड डेन्टल कलेज अफ नेपालका अध्यक्ष प्राडा ज्ञानेन्द्रमानसिंह कार्कीले सरकारले बाँकी दाबी रकम पनि यथाशीघ्र उपलब्ध गराउनुपर्ने बताए । लामो समयसम्म भुक्तानी नपाउँदा निजी स्वास्थ्य संस्था गम्भीर आर्थिक सङ्कटमा परेको दाबी गर्दै सरकारले निजीमा बन्द गरेको बिमा कार्यक्रमको बाँकी रकम तत्काल व्यवस्था गर्नुपर्ने बताए। दाबी रकम नपाउँदा निजी अस्पतालले औषधी तथा स्वास्थ्य सामग्री आपूर्तिकर्तालाई समयमै भुक्तानी गर्न नसकेको गुनासो कार्कीले गरे ।
ताजा अपडेट
- स्वास्थ्य प्रवर्द्धनलाई राष्ट्रिय स्वास्थ्य प्रणालीको प्राथमिकतामा राख्नुपर्नेमा मन्त्री मेहताको जोड
- चिकित्सा शिक्षा आयोगद्वारा एमबीबीएस प्रवेश परीक्षाको नतिजा प्रकाशन
- स्वास्थ्य क्षेत्रका समस्या समाधान गरी सबै नागरिकलाई सहज स्वास्थ्य सेवा पुर्याउनुपर्छ : मुख्यमन्त्री भट्ट
- शिक्षा–स्वास्थ्य मन्त्रालयको क्षेत्राधिकार अन्योलमा गेटा विश्वविद्यालय, अस्पताल हस्तान्तरणदेखि पदाधिकारी नियुक्तिसम्म अल्झियो
- जलवायु परिवर्तनका चुनौती सामना गर्न स्वास्थ्यलाई जलवायु कार्ययोजनाको केन्द्रमा राख्नुपर्नेमा स्वास्थ्यमन्त्री मेहताको जोड
- जलवायु परिवर्तनका मुद्दामा स्वास्थ्यलाई केन्द्रमा राख्न मन्त्री मेहताको जोड
- नेपालमा पहिलोपटक राष्ट्रिय स्वास्थ्य प्रवर्द्धन सम्मेलन हुँदै
- कोप–३१ मा जलवायु परिवर्तन र स्वास्थ्यसम्बन्धी उच्चस्तरीय छलफलको अध्यक्षता गर्दै मन्त्री मेहता
धेरैले पढेको
- मुख्यमन्त्रीकै संरक्षणमा अछाम अस्पतालमा ‘ब्रमलुट’, ७० लाखको नगद र औषधी गायव, डकैती लुकाउन ‘प्रशासनिक कू’ !
- सुदूरपश्चिम प्रदेशमा अस्पताल नर्सिङ प्रशासकको रिक्त दरबन्दी पदपूर्ति
- सुदूरपश्चिममा पहिलो पटक आईभिएफ सेवा सुरु
- सुदूरपश्चिम प्रदेशः जनस्वास्थ्य प्रशासकका रिक्त रहेका सबै दरबन्दी पदपूर्ति
- शहीद दशरथचन्द स्वास्थ्य विज्ञान विश्वबिद्यालयले माग्यो २६ प्राध्यापक र ५१ उप–प्राध्यापक
- स्वास्थ्य बिमा : डिजीटल सूचना सेवा सुरु
- धनगढीमा १ सय शय्याको केयरटेकर हस्पिटल सञ्चालन
- वरिष्ठ मुटुरोग विशेषज्ञ डा. विप्लव : सुदूरपश्चिमका ‘मुटु’को ढुकढुकी !


तपाईको प्रतिक्रिया