Techie IT
  • शुक्रबार, मंसीर ५, २०८३ / Friday, November 20, 2026
गृहपृष्ठ ∕ मुख्य समाचार ∕ अनावश्यक ‘रिफर’ नगर्न बिमा बोर्डको आग्रह

अनावश्यक ‘रिफर’ नगर्न बिमा बोर्डको आग्रह


काठमाडौँ । स्वास्थ्य बिमा बोर्डले बिरामीलाई अनावश्यक प्रेषण (रिफर) नगर्न आग्रह गरेको छ । स्वास्थ्य बिमामा आबद्ध सबै स्वास्थ्य संस्थालाई निर्देशन दिँदै बोर्डले अनावश्यक रिफर नगर्न आग्रह गरेको हो ।

बोर्डका कार्यकारी निर्देशक डा. कृष्ण पौडेलले सेवाप्रदायक स्वास्थ्य संस्थालाई परिपत्र गर्दै आफ्नो अस्पतालमा उपलब्ध सेवा नजरअन्दाज गरी बिरामीलाई अनावश्यक रिफर नगर्न निर्देशन दिएको जानकारी दिए । उनले अस्पतालमा सेवा उपलब्ध हुँदाहुँदै पनि बिरामीलाई अनावश्यक रूपमा अन्य स्वास्थ्य संस्थामा रिफर गर्ने गरेको पाइएकाले यस्तो निर्देशन दिएको बताए ।

आफ्नो स्वास्थ्य संस्थामा सेवा हुँदाहुँदै अन्यत्र रिफर गर्नु स्वास्थ्य बिमा ऐन, २०७४, स्वास्थ्य बिमा नियमावली, २०७५ तथा प्रेषण कार्यविधि, २०८० विपरीत रहेको भन्दै यस्तो कार्य नगर्न सम्बन्धित स्वास्थ्य संस्थालाई आग्रह गरेको हो ।

सेवा उपलब्ध गराउन नसक्ने भएमा मात्र प्रेषण पुर्जी भरी त्यस्तो सेवा सुनिश्चित हुने गरी नजिकको स्वास्थ्य संस्थामा रिफर गर्न बोर्डको निर्देशन छ ।



तपाईको प्रतिक्रिया

ताजा अपडेट


यो पनि पढनुहोस

error: Content is protected !!