Techie IT
  • शुक्रबार, मंसीर ५, २०८३ / Friday, November 20, 2026
गृहपृष्ठ ∕ प्रदेश ∕ शहीद दशरथ चन्द स्वास्थ्य विज्ञान विश्वविद्यालय : शिक्षण अस्पतालमा थपिए २९ विशेषज्ञ चिकित्सक

शहीद दशरथ चन्द स्वास्थ्य विज्ञान विश्वविद्यालय : शिक्षण अस्पतालमा थपिए २९ विशेषज्ञ चिकित्सक


कैलाली । सुदूरपश्चिमको स्वास्थ्य तथा चिकित्सा शिक्षा विकासको महत्वपूर्ण आधारका रूपमा अघि बढाइएको शहीद दशरथ चन्द स्वास्थ्य विज्ञान विश्वविद्यालय काे शिक्षण अस्पतालमा विशेषज्ञ चिकित्सकको संख्या थपिएको छ। शहीद दशरथ चन्द स्वास्थ्य विज्ञान विश्वविद्यालयले शैक्षिक कार्यक्रम सञ्चालनका लागि विभिन्न विभागमा विशेषज्ञ चिकित्सक नियुक्त गरेपछि अस्पतालमा विशेषज्ञ सेवा विस्तार भएको हो।
विश्वविद्यालयका अनुसार अस्पतालमा विभिन्न बिभागमा गरी २९ जना विशेषज्ञ चिकित्सक थपिएका छन्। नयाँ जनशक्ति थपिएसँगै गेटा अस्पतालबाट विभिन्न विशेषज्ञ सेवा नियमित रूपमा प्रदान गर्न थालिएको विश्वविद्यालयले जनाएको छ।
अस्पतालमा एनेस्थेसिया, डेन्टल सर्जरी, छाला तथा यौनरोग, नाक–कान–घाँटी (ईएनटी), जनरल मेडिसिन, जनरल सर्जरी, इन्टरनल मेडिसिन, स्त्री तथा प्रसूति, नेत्ररोग, हाडजोर्नी, बालरोग, मानसिक रोग तथा रेडियोलोजी लगायतका क्षेत्रमा विशेषज्ञ चिकित्सक थपिएका छन्।
विश्वविद्यालयले शैक्षिक कार्यक्रम सञ्चालनका लागि आवश्यक विभाग र विशेषज्ञ जनशक्ति व्यवस्थापनलाई प्राथमिकता दिइरहेको जनाएको छ। विशेषज्ञ चिकित्सकको उपलब्धताले अस्पतालमा उपचार सेवा विस्तार हुनुका साथै आगामी दिनमा चिकित्सा शिक्षा सञ्चालनका लागि आवश्यक शैक्षिक तथा क्लिनिकल वातावरण निर्माणमा समेत सहयोग पुग्ने अपेक्षा गरिएको छ।



तपाईको प्रतिक्रिया

ताजा अपडेट


यो पनि पढनुहोस

error: Content is protected !!