कुन फलफुल खाँदा आँखाको ज्योति बढ्छ ?

काठमाडौँ। आधुनिक जीवनशैली, मोबाइल र कम्प्युटरको अत्यधिक प्रयोग, प्रदूषण, असन्तुलित आहार, अनि निद्राको कमीले गर्दा आँखाको समस्या दिनप्रतिदिन बढिरहेको छ।

दृष्टि धमिलो हुने, आँखामा सुख्खा हुने, चसक्क दुख्ने वा चस्मा लाग्ने समस्या अब उमेर विशेषको मात्र नभई सबै पुस्ताको साझा चिन्ता बनेको छ। यिनै समस्याबाट बच्न प्राकृतिक उपायहरू खोज्न थालिएको छ, जसमा विशेषगरी फलफुलको भूमिका अत्यन्त महत्त्वपूर्ण छ।

अहिले प्रश्न उठिरहेको छ – “कुन फलफुल खाँदा आँखाको ज्योति बढ्छ?”

आँखाको ज्योति राम्रो रहन निम्न पोषक तत्वहरू अत्यावश्यक मानिन्छन्ः

भिटामिन एः दृष्टि सुधारमा सबैभन्दा महत्त्वपूर्ण।

लुटेइन र जिओक्सान्थिनः आँखाको रेटिना संरक्षणमा भूमिका खेल्ने एन्टिअक्सिडेन्ट।

भिटामिन सी र ईः कोषहरूलाई नष्ट हुनबाट जोगाउने।

जिंकः भिटामिन एलाई रेटिनासम्म पुर्‍याउने।

ओमेगा-३ फ्याटी एसिड:आँखाको सुख्खा कम गर्न।

आँखाको ज्योति बढाउने प्रमुख फलफुलहरू
१–गाजर
गाजर प्रत्यक्षरूपमा फल नभए पनि धेरैले फलसरह प्रयोग गर्छन्। यसमा प्रशस्त मात्रामा बेटा–क्यारोटिन हुन्छ, जुन शरीरमा पुगेर भिटामिन ए मा रूपान्तरण हुन्छ। नियमित गाजर सेवनले दृष्टि स्पष्ट राख्न मद्दत गर्छ।

२–किवी
किवीमा भिटामिन सी, लुटेइन, र जिओक्सान्थिन हुन्छ। यी तत्वहरूले आँखाको रेटिना सुरक्षित राख्छन् र दृष्टि धमिलो हुने सम्भावनालाई घटाउँछन्।

३–अंगुर
कालो रङको अंगुरमा एन्टिअक्सिडेन्ट र रेस्भेराट्रोल हुन्छ, जसले आँखालाई सुरक्षात्मक कवच दिन्छ। अध्ययनहरूले देखाउँछन् कि अंगुरले आँखाको रातो भाग लाई रक्षा गर्छ।

४–मेवा
मेवा मा भिटामिन ए र सी उच्च मात्रा हुन्छ। यो आँखाको दृष्टिकोण राम्रो राख्न र संक्रमणबाट जोगाउन मद्दत गर्छ।

५–आँप
आँप पनि बेटा(क्यारोटिन को उत्कृष्ट स्रोत हो। यसले आँखाको शुष्कता हटाउँछ र दृष्टि प्रष्ट राख्न सहयोग पुर्‍याउँछ।

६– सुन्तला र कागती जातका फलहरू
यी फलमा भिटामिन सी प्रचुर मात्रामा पाइन्छ, जसले आँखाको कोषहरूमा क्षति हुनबाट जोगाउँछ।

७– एभोकाडो
यसमा लुटेइन तथा जिओक्सान्थिन हुन्छ, जुन मोतिबिन्दु तथा दृष्टि धमिलो हुने समस्याबाट जोगाउँछ।

फलफुलको सेवन कसरी गर्ने?

-प्रत्येक दिन कम्तीमा दुई प्रकारका फलफुल खाने।
-खाली पेट फलफुल खाँदा पोषक तत्व राम्रोसँग अवशोषित हुन्छ।
-फलफुललाई कृत्रिम चिनी नहालेर खाँदा अझ प्रभावकारी हुन्छ।