सेती प्रादेशिक अस्पतालले माग्यो ३१ नर्सिङ कर्मचारी

धनगढी । कैलालीको सेती प्रादेशिक अस्पतालले ३१ जना नर्सिङ कर्मचारी भर्ना गर्नका लागि आवेदन खुला गरेको छ ।

अस्पतालले सूचना प्रकाशित गर्दै स्टाफ नर्स र अ.न.मी. पदका लागि योग्य नेपाली नागरिकबाट दरखास्त आह्वान गरेको हो ।

जारी सूचना अनुसार स्टाफ नर्स पाँचौँ तहमा १३ जना र अ.न.मी. चौथो तहमा १८ जना गरी जम्मा ३१ जना जनशक्ति आवश्यक रहेको जनाएको छ । । दरखास्त दस्तुर स्टाफ नर्स पदका लागि ७ सय रुपैयाँ र अ.न.मी. पदका लागि ५ सय रुपैयाँ तोकिएको छ ।

सूचना प्रकाशित मितिले १५ दिनभित्र अर्थात् २०८२ साल फागुन ५ गतेसम्म कार्यालय समयभित्र दरखास्त बुझाइ सक्नु पर्नेछ ।

लिखित परीक्षाको मिति र स्थान पछि प्रकाशित गरिने सूचनामार्फत जानकारी गराइने अस्पतालले जनाएको छ ।

छनोट प्रक्रिया करार सेवा चिकित्सक तथा स्वास्थ्यकर्मी व्यवस्थापन सम्बन्धी कार्यविधि, २०८१ अनुसार हुने उल्लेख गरिएको छ ।