सरकारी स्वास्थ्य संस्थामा कार्यरत चिकित्सकले अन्यत्र काम गर्न अनुमति लिनुपर्ने

धनगढी । सुदूरपश्चिम प्रदेशका सरकारी स्वास्थ्य संस्थामा कार्यरत चिकित्सक तथा स्वास्थ्यकर्मिले सरकारी समयको बाहेकमा अन्यत्र काम गर्न स्वीकृत लिनुपर्ने भएको छ ।

सामाजिक विकास मन्त्रालयले मन्त्रीस्तरीय निर्णय गरी सो कुरा कार्यान्वयन गर्न परीपत्र गरेको छ ।

प्रदेश जनस्वास्थ्य ऐन २०७६ को दफा २६ को उपदफा २ बमोजिम सरकारी स्वास्थ्य संस्थामा कार्यरत चिकित्सक तथा स्वास्थ्यकर्मीले आफ्नो नियमित जिम्मेवारीमा असर नपर्ने गरी निजको क्षमता समय र सेवाको औचित्यता हेरी कार्यालय समय बाहेको समयमा अन्यत्र काम गर्ने स्वीकृतिका लागि कार्यालय प्रमुसका हकमा सामाजिक विकास मन्त्रालयबाट र अन्यका हकमा सम्बन्धित कार्यालयको कार्यालय प्रमुखबाट स्वीकृत लिने ब्यबस्थाको परीपत्र गरेको सामाजिक विकास मन्त्रालयले जनाएको छ ।