सुदूरपश्चिम प्रदेशको स्थानिय सेवा ऐन कार्यान्वयन नगर्न प्रदेश जनस्वास्थ्य संघको ध्यानाकर्षण

धनगढी । सुदूरपश्चिम प्रदेश सरकारले ल्याएको स्थानिय सेवा ऐन कार्यान्वयनमा प्रदेश जनस्वास्थ्य संघले गम्भिर ध्यानाकर्षण भएको जनाएको छ । प्रदेश जनस्वास्थ्य संघले एक बिज्ञप्ती जारी गर्दे प्रदेशले ल्याएको स्थानिय सेवा ऐन संघिय ऐन सँग बाँझिएको हुदाँ कार्यान्वयन नगर्न नगराउन माग गरेको छ ।

प्रदेश सरकारले ल्याएको स्थानिय सेवा ऐन कार्यान्वयन गर्ने ब्यबस्थाले शैक्षिक योग्यता बिना तह मिलान गर्दा स्वास्थ्य जस्तो संवेदनशिल क्षेत्रमा ठुलो क्षति हुने ,संबिधानले ग्यारेन्टी गरेको गुणस्तरीय स्वास्थ्य सेवा प्रवाहमा ठुलो प्रहार हुने र सो कार्यान्वयन हुदाँ प्रदेशको जनस्वास्थ्य क्षेत्रमा अपुरणिय क्षति हुने हुदाँ प्रदेश सरकारसँग स्थानिय सेवा ऐनको दफा ९(४), स्वास्थ्य सेवा ऐन २०५३ को प्रतिकुल हुने हुदाँ कार्यान्वयन नगर्न नगराउन प्रदेश सरकार सँग जोडदार माग गरेको बिज्ञप्तीमा उल्लेख छ ।