सेती प्रादेशिक अस्पताल : मृर्गौला डायलाइसिस बिरामीको चाप

धनगढी। सेती प्रादेशिक अस्पतालमा मिर्गौला रोगीको चाप बढ्दै जाँदा डायलाइसिस सेवामा समस्या देखिएको छ । बिरामीको संख्या अत्यधिक भएपछि इमर्जेन्सी अवस्थाबाहेक नयाँ बिरामीलाई नियमित डायलाइसिस सेवा दिन कठिन भएको अस्पतालले जनाएको छ ।

अस्पतालका सूचना अधिकारी किशोरकुमार श्रेष्ठका अनुसार सेती प्रादेशिक अस्पतालमा हाल २१ वटा डायलाइसिस शय्या छन् । ती शय्यामार्फत दुई सयभन्दा बढी नियमित बिरामीलाई निरन्तर डायलाइसिस सेवा प्रदान गरिँदै आएको छ  ।

बिरामीको चाप क्षमताभन्दा बढी भएपछि अब आपतकालीन अवस्थाबाहेक नयाँ नियमित बिरामीलाई डायलाइसिस सेवा उपलब्ध गराउन नसकिने अवस्था आएको श्रेष्ठले जानकारी दिए  ।