सुदूरपश्चिम प्रदेशको स्वास्थ्यतर्फ बढुवा भएका उपसचिवको पदस्थापन

धनगढी । सुदूरपश्चिम प्रदेश सरकारले निजामति ऐनसँगै नियमावली ल्याएपछि स्वास्थ्यतर्फ उपसचिव बढुवा गरेर रिक्त दरबन्दी पदपूर्ती गरेको छ ।

बढुवा हुनेमा जनस्वास्थ्य प्रशासक, स्वास्थ्य शिक्षा प्रशासक, आर्युर्वेद कन्सल्टेन्ट विज्ञ, अस्पताल नर्सिङ प्रशासक, मेडीकल सुपरीडेन्टेन्ट र कन्सल्टटेन्ट ईएनटी सर्जन रहेका छन् ।

जनस्वास्थ्य प्रशासकमा बढुवा हुनेमा झनक राज ढुङगाना, ओम प्रकाश जोशी, रमेश कुँवर र रमेश मलासी रहेका छन् । स्वास्थ्य शिक्षा प्रसासकमा बढुवा हुनेमा हेम राज खड्का रहेका छन् ।

त्यस्तै, आयुर्वेद कन्सल्टेन्ट विज्ञमा बढुवा हुनेमा आर्युर्वेद चिकित्सक डा. खगेन्द बम, मेडीकल सुपरीडेन्टेन्ट डा. सन्दिप ओखेडा र कन्सल्टटेन्ट ईएनटी सर्जनमा डा. ज्योती पाण्डे रहेका छन् । अस्पताल नर्सिङ प्रशासक बढुवामा भने कमला बिष्ट र सिमा शर्मा बढुवा भएका हुन् ।
प्रदेश सरकारले बढुवा गरेको स्वास्थ्य तर्फको उपसचिवको पदस्थापन गरेको छ ।

स्वास्थ्य निर्देशनालयमा आर्युर्वेद चिकित्सक डा. खगेन्द्र बम, सामाजिक विकास मन्त्रालयको जनस्वास्थ्य महाशाखामा रमेश मलासी, स्वास्थ्य कार्यालय कैलालीमा रमेश कुँवर, प्रदेश स्वास्थ्य आपुर्ति व्यवस्थापन केन्द्रमा झनकराज ढुंगाना र ओम प्रकाश जोशीलाई स्वास्थ्य तालिक केन्द्र धनगढीमा पदस्थापन गरिएको छ ।

स्वास्थ्य शिक्षा प्रशासकमा बढुवा भएका हेम राज खड्कालाई स्वास्थ्य तालिम केन्द्रमा पदस्थापन गरीएको छ ।

जनस्वास्थ्य प्रशासकमा रिक्त रहेको २ दरबन्दी आन्तरीक प्रतिस्पर्धा र खुल्लाबाट पदपूर्ती गरिनेछ ।

त्यस्तै गरी, अस्पताल नर्सिङ प्रशासकमा बढुवा भएका कमला विष्टलाई सेति प्रादेशिक अस्पतातलमा पदस्थापन गरीएको छ । अस्पताल नर्सिङ प्रशासकमा बढुवा भएकी सिमा शर्मा भने हाल अध्ययन बिदामा छिन् ।

त्यस्तै, चिकित्सकतर्फ भएको बढुवामा मेडीकल सुपरीडेन्टेन्ट डा.सन्दिप ओखेडा बझाङ अस्पतालमा पदस्थापन भएका छन् । कन्सल्टटेन्ट ईएनटी सर्जनमा बढुवा भएका डा। ज्योती पाण्डेको सेति प्रादेशिक अस्पतालमा पदस्थापन भएको छ ।