सुदूरपश्चिम प्रदेशमा मानसिक स्वास्थ्य रणनीतिक कार्ययोजनाको मस्यौदा तयार

धनगढी। सुदूरपश्चिम प्रदेश सरकारको आगामी आर्थिक बर्षको नीति तथा कार्यक्रममा प्रदेश अस्पतालमा मानसिक स्वास्थ्य सेवा प्रदेशका अस्पतालमा बिस्तार गरीने उल्लेख गरीएको छ ।

प्रदेश सरकारको आर्थिक बर्ष २०८२/०८३ को नीति तथा कार्यक्रममा मानसिक स्वास्थ्य सेवालाई प्रदेशका सम्पुर्ण बिस्तार गर्दे लगिनेछ । महाकाली र टिकापुर अस्पतालमा मानसिक स्वास्थ्य ईकाई को स्थापना गरी प्रादेशिक अस्पतालहरूबाट मानसिक स्वास्थ्य सेवा र अध्ययन कार्यलाई निरन्तरताका लागि आवश्यक ब्यबस्था मिलाइनेछ । परामर्श सेवा र बिद्यालय नर्स कार्यक्रमलाई स्थानिय तहको सहकार्यमा संचालन गरिनेछ भनि उल्लेख गरीएको छ ।

सो नीति तथा कार्यक्रमलाई कार्यान्वयनका लागि सामाजिक बिकास मन्त्रालयले ५ बर्षे प्रादेशिक मानसिक स्वास्थ्य तथा मनोसामाजिक रणनीतिक कार्ययोजना (२०८२–०८७) को मस्यौदा तयार गरेको छ ।

बुधबार प्रादेशिक मानसिक स्वास्थ्य तथा मनोसामाजिक रणनीतिक कार्ययोजना तयार गरी निर्देशक समितिले सामाजिक बिकास मन्त्रालयलाई हस्तान्तरण गरेको छ ।

सामाजिक बिकास मन्त्रालय नीति, कानुन, मापदण्ड, योजना तथा जनस्वास्थ्य महाशाखाका जनस्वास्थ्य अधिकृत सुनिता शर्माले बिभिन्न चरणका बैठक छलफल पछि मानसिक स्वास्थ्य सम्बन्धी कार्ययोजना तयार गरी मन्त्रालयलाई बुझाईएको बताईन् । उनले भनिन् , उक्त रणनीतिक कार्ययोजना स्वीकृत पश्चात कार्यान्वयन गरिनेछ ।

सि एम सी नेपालको आर्थिक तथा प्राबिधिक सहयोगमा तयार गरीएको रणनीतिक कार्ययोजनाले बढ्दो मानसिक समस्या सँगै आत्महत्या रोकथाममा स्वास्थ्य सकारात्मक भुमिका खेल्ने सरोकारवालाको बुझाइरहेका छ ।

उक्त रणनीतिक कार्ययोजना मन्त्रीस्तरीय निर्णयबाट स्वीकृत गरी कार्यान्वयन गरीने सामाजिक बिकास मन्त्रालयले जनाएको छ ।