धनगढीका निजी स्वास्थ्य संस्थामा संयुक्त अनुगमन

धनगढी । कैलालीको धनगढी उपमहानगरपालिकामा सञ्चालनमा रहेका निजी स्वास्थ्य संस्थाहरूको संयुक्त अनुगमन गरिएको छ। जिल्ला स्वास्थ्य कार्यालय कैलाली, जिल्ला प्रशासन कार्यालय कैलाली, उद्योग, वाणिज्य, आपूर्ति तथा उपभोक्ता संरक्षण कार्यालय धनगढी र औषधि व्यवस्था विभाग, नेपालगन्जको टोलीले निजी स्वास्थ्य संस्थामा संयुक्त अनुगमन गरेको हो।

स्वास्थ्य संस्थाहरूबाट नागरिकलाई गुणस्तरीय, सुरक्षित र प्रभावकारी स्वास्थ्य सेवा उपलब्ध गराउने उद्देश्यले अनुगमनलाई निरन्तरता दिइने सम्बन्धित निकायले जनाएको छ।