शहिद दशरथ चन्द स्वास्थ्य विज्ञान विश्वविद्यालयः चौथौ सिनेट बैठकले नै स्वीकृत गरेको थियो ३ सय शैय्याको दरबन्दी

काठमाडौ । कैलालीको गेटामा रहेको शहिद दशरथ चन्द स्वास्थ्य विज्ञान विश्वविद्यालयमा ३ सय शैय्याको शिक्षण अस्पताल सञ्चालनका लागि यसअघि नै दरबन्दी स्वीकृत भइसकेको छ ।

गत चैत २४ गते बसेको चौथौ सिनेट बैठकले विश्वविद्यालयसँगै शिक्षण अस्पताल सञ्चालनका लागि आवश्यक पर्ने संगठन तथा व्यवस्थापन सर्वेक्षण प्रतिवेदन स्वीकृत गरेको हो ।

जसमा शिक्षण अस्पताल सञ्चालन, स्वास्थ्य सेवा सञ्चालन सम्बन्धि व्यवस्था, स्वास्थ्य सेवा सञ्चालनको अनुमति प्रक्रिया, अस्पताल सम्बन्धि मापदण्ड, अस्पताल मानव शंसाधन व्यवस्थापन र औजार उपकरणसँगै सेवा सम्बन्धि सम्पूर्ण कानुनी प्रक्रिया पूरा भएको थियो ।

यो सँगै नेपाल सरकारको गत असार २४ बसेको मन्त्रिपरिषद् बैठकले स्वास्थ्य तथा खाद्य स्वच्छता मन्त्रालयले सञ्चालन गरिरहेको गेटा अस्पताललाई शिक्षण अस्पतालका रुपमा अगाडि बढाउन स्वीकृत दिएको थियो । अहिले स्वास्थ्य तथा

खाद्य स्वच्छता मन्त्रालयले गेटा अस्पताललाई विश्वविद्यालयमा हस्तान्तरण गर्न परिपत्र जारी गरिरहेको छ ।

यी सबै प्रक्रिया सुरु भइसकेको अवस्थामा चिकित्सा शिक्षा सुधारमा नाममा अनशन बस्ने डा. गोविन्द केसीले यही मागलाई उठाएर गेटाको विश्वविद्यालयलाई बिथोल्ने काम गरिरहेका छन् ।