डडेल्धुरा अस्पतालमा स्वास्थ्य बिमाकाे प्रथम बिन्दु हटाईयाे

धनगढी । स्वास्थ्य बीमा बोर्डको निर्णयले डडेल्धुरा अस्पताललाई अबदेखि सिधा सेवा दिने केन्द्रबाट हटाउँदै रेफरल अस्पतालका रूपमा सीमित गरेपछि जिल्लाका हजारौं बीमित नागरिक थप मर्कामा परेका छन्।
साउन १ गतेदेखि लागू हुने निर्णयअनुसार बीमित सेवाग्राहीले सिधै डडेल्धुरा अस्पतालमा सेवा पाउने छैनन्।
उनीहरूले पहिले आफ्नै स्थानीय तहभित्रको सूचीकृत स्वास्थ्य संस्थामा जानुपर्नेछ र त्यहाँबाट रेफरल सिफारिस लिएपछि मात्र डडेल्धुरा अस्पतालमा उपचार पाउनेछन्।   

यसैगरी , डडेल्धुरा अस्पतालमा स्वास्थ्य बिमाकाे प्रथम बिन्दु कटाैति गरिएकाे बिराेधमा बाेलन्या थलीलेअस्पतालकाे मुख्य प्रबेश गेटमा कालाे ब्यानर लगाईएकाे छ ।

बाेलन्या थलीका अध्यक्ष यादव जाेशिले स्वास्थ्य बिमाकाे प्रथम बिन्दु हटाएकाे बिराेधमा कालाे ब्यानर राखिएकाे बताए । उनले भने , स्वास्थ्य बिमाले डडेल्धुरा अस्पताललाई प्रथम बिन्दुबाट हटाउने निर्णय सच्याईनु पर्दछ ।