नेपाल बाल शल्य चिकित्सक समाजको अध्यक्षमा डा थापा

काठमाडौँ। नेपाल बाल शल्य चिकित्सक समाजको अध्यक्षमा डा विजय थापा निर्वाचित भएका छन् ।

आठौँ वार्षिक साधारणसभाबाट थापको नेतृत्वमा १० सदस्यीय पदाधिकारी चयन गरिएको हो ।

नवनिर्वाचित कार्यसमितिको उपाध्यक्षमा डा नृपेश राजभण्डारी, महासचिवमा डा दिनेश कोइराला, सचिवमा डा जस्मिन बज्राचार्य, कोषाध्यक्षमा डा बालमुकुन्द बस्नेत र सहकोषाध्यक्षमा डा शिरिष सिलवाल चयन भएका हुन्।

यसैगरी, सदस्यहरुमा डा हीरामणि पाठक, डा निशान्त सिंह, डा अनु महर्जन र डा सुलोचना दाहाल चयन भएका छन् ।

सन् २०१५ मा स्थापना भएको यस संस्था हाल विभिन्न विधाका ३५ जना बाल चिकित्सकको आबद्धता छ ।

नवनियुक्त अध्यक्ष डा थापाले नेपालमा बाल शल्य चिकित्सकको सङ्ख्या न्यून रहेको र उपलब्ध जनशक्तिले पनि जागिर पाउन नसकेको बताए। उनले भने, “विशेषज्ञ कम हुँदा बाल शल्यक्रियामा अपेक्षाअनुसारको उपलब्धि हुन सकेको छैन । विशेषज्ञ उत्पादन गर्न सरकारले प्राथमिकतमा राख्नुपर्छ । सबै प्रदेशमा बाल शल्य चिकित्सक पु¥याउनुपर्छ ।”