विदेश जाने श्रमिकको स्वास्थ्य परीक्षण सरकारी अस्पतालबाटै हुने

काठमाडौँ । श्रम, रोजगार तथा सामाजिक सुरक्षा मन्त्रालयले वैदेशिक रोजगारीमा जाने श्रमिकको स्वास्थ्य परीक्षण सरकारी स्वामित्वका स्वास्थ्य संस्थाबाट गराउन पाउने निर्णय गरेको छ । मन्त्रालयले प्रेस विज्ञप्ती जारी गर्दै यस्तो व्यवस्था गरिएको जानकारी गराएको हो ।

वैदेशिक रोजगारी ऐन, २०६४ र नियमावली, २०६४ मा भएको व्यवस्थाअनुसार श्रमिकले विदेश जानुअघि स्वीकृत स्वास्थ्य संस्थाबाट परीक्षण गराउनुपर्ने प्रावधान छ ।

तर यसअघि सिमित स्वास्थ्य संस्थाबाट मात्रै रोजगारीमा जाने श्रमिकको स्वास्थ्य परीक्षण हुँदै आएको थियो । अब इच्छुक स्वास्थ्य संस्थाले आवश्यक मापदण्ड पूरा गरी सूचीकृत हुन सक्नेछन् । यो निर्णयसँगै स्वास्थ्य परीक्षणमा देखिदै आएको सिण्डिकेट तोडिने अपेक्षा गरिएको छ ।