स्थानिय तहका स्वास्थ्यकर्मीहरु थप आन्दोलित

धनगढी ।सुदूरपश्चिम प्रदेश सरकारले ल्याएको स्थानिय सेवा ऐनले अन्यायमा पारेको भन्दै स्थानिय तह स्वास्थ्यकर्मी संघर्ष समितिले थप आन्दोलनका कार्यक्रमहरु घोषणा गरेको छ ।

समितिले एक विज्ञप्ती जारी गर्दे  ४ गते देखि सुदूरपश्चिम प्रदेशमा रहेका ८८ स्थानिय तहमा रहेका स्वास्थ्य संस्थाहरुबाट आकस्मिक सेवा बाहेकका सम्पुर्ण सेवाहरु प्रवाह गर्ने नसकिने, असार महिनाको मासिक रिर्पोट पनि प्रविष्ट गर्न नसकिने र शान्तिपूर्ण आन्दोलनमा स्वास्थ्यकर्मीलाई सहभागी हुन समेत आह्वान गरेको छ ।

यसका साथै संघर्ष समितिले प्रदेशका सम्पुर्ण स्थानिय तहहरुलाई समेत पत्रचार गरेको छ । उक्त आन्दोलनले सेवाग्राही पर्न जाने सुबिधा क्षमायाचना गर्दे सम्पुर्ण जिम्मेवारी प्रदेश सरकार र सम्बन्धित स्थानिय तहले लिनुपर्ने उल्लेख छ ।

यसका साथै आन्दोलनरत स्वास्थ्यकर्मीले आन्दोलनको बिषयमा प्रदेशका सम्पुर्ण स्थानिय तहलाई समेत सो बिषयमा जानकारी दिएका छन् ।

नेपालको संबिधानको धारा ३५ (१)मा उल्लेख भएको निःशुल्क आधारभुत स्वास्थ्य सेवा उपलब्ध गराउने जनशक्ति नै स्थानिय तहका स्वास्थ्यकर्मी हुन् । नागरिक मौलिक अधिकारबाट बञ्चित हुने भएकाले सरोकारवाला सबैको ध्यान जान जरुरी छ ।